Ku paluxiwa ka vaxisati eka ntlango wa rhadiyo wa Xitsonga hi ku kongomisa eka ntlango wa tlanga hi ku siyerisana wa Mina hi mina eka Munghana Lonene FM

Abstract

Ndzavisiso lowu wu xopaxopile ku paluxiwa ka vaxisati eka ntlango wo tlanga hi ku siyerisana wa swiphemu wa Mina hi mina. Xikongomelokulu xa wona i ku paluxa hilaha vatlangi vaxisati va paluxiwaka hakona eka Mina hi mina hi xikongomelo xo kuma loko ku ve mitirhorimbewu leyi vatlangi va nyikiwaka yona ya fambisana na ndhavuko wa vona wa Vatsonga ke; no tlhela wu kuma loko ku ve ku na ku cinca ku fambisanaka ni cinco lowu wu nga kona hitlhelo ra swa matshamelo, swa mabindzu ni swa tipolitiki. Leswi swi susumetiwa hi ku va Vatsonga va ri ni vurhangisavaxinuna naswona hi xona xivangelo lexi endlaka leswaku vaxisati va nyikiwa mitirho leyi hlohlotelaka vurhangisavaxinuna erixakeni. Ndzavisiso lowu wu tirhisa maendlelo ya nxopelo wa vugingirikelaxisati wa matsalwa (lama humaka eka Thiyori ya Vugingirikelaxisati) lama xopelaka vaxisati eka matsalwa. Tshako ra ndzavisiso lowu ri tshamile eka swikholwana swa ndhavuko leswi vulaka leswaku vaxisati a va na nkoka, vo lavelela ka wanuna naswona a hi mitirho yingani va nga yi tirhaka handle ka ya xisati ntsena. Ndzavisiso lowu, wu kumile leswaku vurhangisavaxinuna byi tshikelela vaxisati. Tlhandlakambirhi, ndzavisiso wu kumile leswaku vaxisati lava va tshuriwaka hi vatsari eka Mina hi mina va leswi va nga xiswona hikokwalaho ka vurhangisavaxinuna lebyi va hanyaka no huma eka byona. Nakambe, ndzavisiso lowu wu kumile leswaku ku na swikoweto swa ku cinca loku ku nga kona ku humaka eka maendlelo ya xintu kumbe ya xikhale eka vaaki hitlhelo ra mapaluxelo kun’we mitirho hikuva van’wana vaxisati eka Mina hi mina va nyikiwa mitirho leyi khale a yi tirhiwa hi vaxina

This study examined the portrayal of women in the radio drama series Mina hi mina. The main aim was to examine how women characters are portrayed in Mina hi mina with the intention of finding out if the sex roles assigned to female characters reinforce the stereotypical roles of Vatsonga women and to determine whether there is a link or shift to represent the current social, economic, and political reality. This is prompted by the fact that Vatsonga are patriarchal, and their literature mirrors their society. In this study, it is argued that female characters are assigned duties, chores and roles that support the dominance of males over females which helps in promoting patriarchal society. This study used the feminist literary criticism (which is informed by Feminist theory) which investigates how women are portrayed in literary texts. The backbone is resting on the cultural belief that women are inferior, dependant and have limited job opportunities. In conclusion, the study found that patriarchy dominates over women. It also revealed that there is a link between how female characters in Mina hi mina are created and the patriarchal society where they come from in mind. The findings also show that there are signs of shifting away from the traditional societal roles of women by some female characters who are given roles that were predominately assigned to males.